Viver e lavurar en il Grischun
Marketing dal lieu
Il cusseglier guvernativ responsabel e directur dal departement da l'economia publica, Marcus Caduff, giavischa ch'il Grischun vegnia percepì en il futur pli savens er sco lieu da tecnologia e d'industria attractiv, sco center alpin dal giudiment u sco regiun da sanadad. «Nus producin en blers secturs prestaziuns excellentas che vegnan colliadas anc memia pauc cun il Grischun», di Caduff. Il chantun sustegna perquai las mesiras da communicaziun correspundentas da la marca graubünden.
Potenzial dal Grischun sco lieu da viver e da lavurar.
Experientschas e plans per l'avegnir
L'interess da studegiar u da lavurar en il Grischun crescha: Bunamain in quart da las persunas dumandadas po s'imaginar da tscherner durant ils proxims trais onns il Grischun sco lieu da furmaziun u sco lieu da lavur. Er la dumonda da proprietad d'abitar mussa vers ensi.
Strategia en il focus.
Champs tematics da la metropola da la natira defineschan il rom
Il rom per las mesiras communicativas da la marca per il spazi da viver e da lavur dal Grischun vegn mess dals champs tematics strategics che delimiteschan il spectrum da prestaziun da la marca graubünden . Ultra dal turissem èn quai tranter auter mobilitad, divertiment e regiunalitad, furmaziun e perscrutaziun u innovaziun e talents.
naturmetropole.ch
La plattafurma da cuntegns
Il dachasa virtual dal cuntegn dal lieu è il hub naturmetropole.ch. Sin questa pagina d'internet chattan ins vastas infurmaziuns davart il spazi da viver e d'economia dal Grischun. Tranter auter sa preschentan sin la pagina 16 interpresas da tecnologia ed industria da la Val dal Rain grischuna e dal Partenz anteriur cun purtrets interessants, prestaziuns d'innovaziun e purschidas da lavur. En il senn d'in portal duai naturmetropole.ch illustrar a media vista l'entir spectrum dals temas da la marca graubünden .
