Allegra. Bainvegni. Benvenuti.
Mund da la marca graubünden
Ina regiun cun caracter.
Metropola da la natira
Natira e metropola. Solitari e entamez. Genuin e high-tech. Glatschers e vin. Nua ch'igl ha tensiun, è arcunada l'energia: la cumbinaziun da las differentas forzas è quai che renda il Grischun unic. Fatg da mamma natira, raffinà da Grischunas e Grischuns. Nus essan la metropola da la natira.
In instrument ferm.
La marca per la regiun
La marca regiunala graubünden vegn duvrada da la regenza chantunala sco instrument per posiziunar il Grischun. La marca serva al posiziunament ed a la profilaziun da las differentas acturas e dals differents acturs e creescha identificaziun ed appartegnientscha.
Cun la gestiun da la marca è incumbensà il biro «Marke graubünden» che vegn tgirà per incumbensa da la Quant SA a Flem. Sin questa plattafurma anflais Vus tut las infurmaziuns relevantas en connex cun la marca "graubünden" sco er vasts instruments da lavur per in diever coerent da quella. Il secretariat porscha gugent sustegn e cussegliaziun per l'implementaziun da la marca.
